O gecə mən də ağladım,

                            Gizlicə!

Ey ana;

   Sanma ki daşdır ürəyim.

O gecə mən də ağladım.

Bir ışıq şırıldadı

        Gözlərimin damcısına.

Bir hüzün köçdü mənim şənliyimə.

Çökdü üzə baxışlarım.

Anladım onda boşun boşluğunu.

Ulduz-ulduz ışıldadım;

                        Zamanənin

                            qara göy səyfəsinə.

Özüm yığışdım özümə,

                       Oldum ana,

Bağışla bu kəz məni,

                   Həmişə dək.

Roluvu yansıladım taatrında yaşayışın.

Doğdum uşaq,
    doğumun sancısını hiss elədim!

Və körpəmi;

   Sevgimin damarından emişdirib.

     Düşüncəmin hörüklərində bələyib,

     Nəfəslərin nənnisində,

       Ahımın lay-lasında:

                (( Lay-lay dedim ki; yatsın,

                               Qızıl güllərə batsın.))

Tumarladım saçlarını,
  baxışın dodaq ilə öpdüm üzün.

    Və sərgisində canımın;

             Göstərib yaşayışın fəlsəfəsin gözlərinə,

Ağlayanda;

   Duyğular bağrına basdım biləsin.

Xəstələnəndə;

   Gözlərim yumulmadı.

Ürəyi edib sipər sancılara,

        Balaca başmağına,

            Tikdirib yol yorudan gözlərimi,

                           Balaca ayaqlara bir öpücük

Və ağladım;

    Onu ((bir))də həp böyütdüm.

O gecə mən də ağladım.

               Çiçəklənəndə arzılar;
                               soldu gülüm!

Əh,əh...

   Əhə, əhə...

Bəsdir utan,

      Kəs səsivi.

         Ana olmaq ürək istər.

         Ana olmaq ciyər istər.

         Ana olmaq dözüm istər.

         Ana omaq sevgi istər.

Var mı buna cəsarətin!?
     yox...

       Yox...

         Olanmazsan.

Həmin elə,
   sən özüvə.

     O quru ərkəkliyin sımışqasın,

                                   Çıtlayaraq;

                                       Şışırt qarın.

O gecə mən də ağladım.

Ürəyimdə mərsiyə,
Oxudu növhə mənə duyğularım.

Ürəyim çırpdı özün;

        Qəfəsin mkiləsinə.

Öz içimdə ağladım,
    sənə bir söz demədim,

                         Deyənmədim.

Çünki sən...

   Çünki sən bir anasan,

              Dözənməzsən ax;

                             Balavın gözyaşına.

O gecə mən də ağladım,

                            Gizlicə...

Şeir:Xosrov Barışan

Qaynaq:Yağış saniyəsi kitabı

slm

bax

merhabalar